लोकशोधक न्यूज

🔴 आजच्या ठळक बातम्या 2 ऑक्टोबर 2026 सकाळच्या लाईव्ह बातम्या 1) Invest Maharashtra - 8.57 लाख कोटींचे 67 करार, 2.91 लाख नोकऱ्या :- महाराष्ट्र सरकारने आज 'Invest Maharashtra' उपक्रमाचे उद्घाटन केले. मुख्यमंत्री देवेंद्र फडणवीस आणि उपमुख्यमंत्री सुनेत्रा पवार यांच्या उपस्थितीत 67 सामंजस्य करार (MoU) वर स्वाक्षरी झाली. एकूण गुंतवणूक 8.57 लाख कोटी रुपयांची असून 2.91 लाख रोजगार निर्माण होणार आहेत. सेमीकंडक्टर, डेटा सेंटर, रिन्यूएबल एनर्जी, एरोस्पेस आणि डिफेन्स, हेल्थकेअर क्षेत्रात गुंतवणूक होणार आहे. अदानी ग्रुपने एकट्याने 6 लाख कोटींचा ब्लू प्रिंट जाहीर केला आहे. महाराष्ट्राला 2030 पर्यंत 1 ट्रिलियन डॉलर इकॉनॉमी बनवण्याचे लक्ष आहे. मुंबई 3 आणि मुंबई 4 ही नवीन शहरे विकसित होणार आहेत. 2) पॅनकार्ड क्लब घोटाळ्यात ED ची मोठी कारवाई - 646 कोटींच्या 211 मालमत्ता जप्त :- मुंबई ED ने आज पॅनकार्ड क्लब आणि पॅनोरॅमिक युनिव्हर्सल ग्रुप विरोधात मोठी कारवाई केली. PMLA अंतर्गत 646.58 कोटी रुपयांच्या 211 स्थावर मालमत्ता जप्त केल्या आहेत. यात महाराष्ट्रासह 9 राज्यांमधील ऑफिस, हॉटेल, र...