लोकशोधक न्यूज

🇮🇳 १ ऑक्टोबर - महार रेजिमेंट स्थापना दिन 🇮🇳 शौर्य, निष्ठा आणि बलिदानाची 84 वर्षांची गौरवशाली परंपरा पुणे/मुंबई, दि. १ ऑक्टोबर - भारतीय स्थल सेनेच्या इतिहासातील एक अत्यंत मानाचा, पराक्रमी आणि शौर्यशाली दिवस म्हणजे १ ऑक्टोबर. आजच्या दिवशी भारतीय सेनेतील सर्वात जुन्या आणि लढवय्या रेजिमेंटपैकी एक असलेल्या 'महार रेजिमेंट' चा स्थापना दिन संपूर्ण देशभरात अभिमानाने आणि शौर्याने साजरा केला जातो. स्थापना आणि डॉ. बाबासाहेब आंबेडकरांचे योगदान महार रेजिमेंटची अधिकृत स्थापना १ ऑक्टोबर १९४१ रोजी झाली. मात्र या मागे एक मोठा ऐतिहासिक संघर्ष आहे. इंग्रजांच्या काळात १८९२ मध्ये महार समाजाची सैन्य भरती बंद करण्यात आली होती. त्यानंतर तब्बल ४९ वर्षे महार समाजाला सैन्यात प्रवेश नव्हता. भारतरत्न डॉ. बाबासाहेब आंबेडकर यांनी तत्कालीन ब्रिटिश सरकारकडे सातत्याने पाठपुरावा केला. त्यांनी वायसरॉयच्या कौन्सिलमध्ये संरक्षण सल्लागार असताना महार समाज हा जन्मजात लढवय्या, शूर आणि निष्ठावान आहे, हे ठासून सांगितले. त्यांच्या अथक प्रयत्नांमुळे आणि दूरदृष्टीमुळे १ ऑक्टोबर १९४१ रोजी महार रेजिमेंटची ...