आज शिक्षण दिन - लोकशोधक न्यूज
लोकशोधक
RNI: MHMAR/25/A0739 | संपादक मंडळ | मुंबई
१) मराठा आरक्षण: जरांगे पाटील यांचे उपोषण ७व्या दिवशी
अंतरवाली सराटी येथे मराठा आरक्षणासाठी मनोज जरांगे पाटील यांचे आमरण उपोषण आज सातव्या दिवशी पोहोचले आहे. ५८ लाख कुणबी नोंदींचे प्रमाणपत्र मिळाल्याशिवाय माघार नाही असा इशारा त्यांनी दिला आहे. सरकारने यावर निर्णयासाठी ११ सप्टेंबर पर्यंत वेळ मागितली आहे. मुंबईत आज मराठा समाजाचा मोठा मोर्चा निघण्याची शक्यता आहे.
२) मुंबईत पुढील ४८ तास मुसळधार पावसाचा इशारा
हवामान खात्याने मुंबई, ठाणे आणि पालघर जिल्ह्यात अतिवृष्टीचा इशारा दिला आहे. पुढील ४८ तासात मुसळधार पाऊस पडण्याची शक्यता वर्तवण्यात आली आहे. मुंबई महापालिकेने नागरिकांना सतर्क राहण्याचे आणि गरज नसल्यास घराबाहेर न पडण्याचे आवाहन केले आहे.
३) आज शिक्षक दिन - राज्यभरात सन्मान सोहळा
आज ५ सप्टेंबर रोजी डॉ. सर्वपल्ली राधाकृष्णन यांच्या जयंतीनिमित्त देशभरात शिक्षक दिन साजरा होत आहे. राज्यभरातील शाळा आणि महाविद्यालयांमध्ये आदर्श शिक्षकांचा सन्मान सोहळा आयोजित करण्यात आला आहे. मुख्यमंत्री आणि शिक्षणमंत्र्यांनी सर्व शिक्षकांना शुभेच्छा दिल्या आहेत.
४) कळवा रुग्णालयातील कँटीन बंद - FDA ची कारवाई
छत्रपती शिवाजी महाराज रुग्णालय, कळवा येथील रुग्णाच्या जेवणात झुरळ आढळल्याने खळबळ उडाली आहे. या प्रकारानंतर अन्न व औषध प्रशासनाने (FDA) तातडीने कारवाई करत राम कॅटरर्सचे कँटीन सील केले आहे. तपासणी पूर्ण होईपर्यंत हे कँटीन बंदच राहणार असल्याची माहिती अधिष्ठात्यांनी दिली आहे.
५) नाशिक आश्रमशाळेतील २ विद्यार्थिनींचा मृत्यू - ३ अधिकारी निलंबित
नाशिक जिल्ह्यातील कळवण आणि त्र्यंबकेश्वर येथील आश्रमशाळेतील दोन विद्यार्थिनींचा एकाच दिवशी मृत्यू झाल्याने खळबळ उडाली आहे. या घटनेमुळे आदिवासी संघटना आक्रमक झाल्या आहेत. शिक्षण विभागाने या प्रकरणाची गंभीर दखल घेत तीन अधिकाऱ्यांचे तात्काळ निलंबन केले आहे.
६) दृष्टिहीन महिला गोविंदांची दहीहंडी - तीन थरांचे आव्हान
मुंबईतील नयन फाउंडेशनच्या दृष्टिहीन महिला गोविंदा पथक यंदा पुन्हा दहीहंडी उत्सवात सहभागी होणार आहे. २०१७ पासून त्या ही परंपरा जपत असून सरावातून आत्मविश्वास वाढवत आहेत. यंदा त्यांनी तीन थर लावण्याचे आव्हान स्वीकारले असून सर्व स्तरातून त्यांचे कौतुक होत आहे.
७) स्क्रॅप रिक्षा रस्त्यावर दिसता कामा नये - प्रताप सरनाईक
भंगार झालेल्या रिक्षा रस्त्यावर दिसता कामा नये असे परिवहन मंत्री प्रताप सरनाईक यांनी स्पष्ट केले आहे. अशा रिक्षांमुळे प्रवाशांच्या जीवाला धोका निर्माण होत असल्याने RTO ला कडक तपासणीचे आदेश दिले आहेत. नियम मोडणाऱ्या रिक्षाचालकांवर कडक कारवाई होणार आहे.
८) नागपूर: PWD अभियंत्यांना हायकोर्टाचे समन्स
नागपूर खंडपीठाने सार्वजनिक बांधकाम विभागाच्या अधीक्षक अभियंता नीता ठाकरे यांना समन्स बजावले आहे. शहरातील रस्ते विकास कामात खासगी तज्ज्ञांचे मार्गदर्शन न घेतल्याबद्दल कोर्टाने नाराजी व्यक्त केली आहे. त्यांना सोमवारी दुपारी २:३० वाजता प्रत्यक्ष हजर राहण्याचे आदेश दिले आहेत.
९) शिवसेना धनुष्यबाण चिन्हावर सुप्रीम कोर्टात सुनावणी
शिवसेना पक्ष आणि धनुष्यबाण चिन्हाबाबत आज सुप्रीम कोर्टात महत्त्वाची सुनावणी होणार आहे. या सुनावणीकडे संपूर्ण राज्याचे लक्ष लागले आहे. दोन्ही गटाचे प्रमुख नेते दिल्लीत दाखल झाले असून कोर्ट काय निर्णय देते याकडे सर्वांचे लक्ष आहे.
Comments
Post a Comment